|
| 自我價值
現代人常談自我價值, 講得它神奇無比, 像是一種可以呼風喚雨的工具: 自我價值高者, 旺財添丁桃花交際亨通; 自我價值低者, 則像是印堂發黑, 霉運隨身似的。
我相信有些人對自我價值的認知是: 自我等於價值。我猜他們以為某人有了自我, 這個人才算是有價值。進深一步, 他們大多相信自我是容納不了任何改變的原素, 因為改變了後的我, 就失去了自我, 特別是這種求變的過程不是出於自願的。舉例子麼? 男女雙方蜜會時, 總會有一方在某時某刻想改變對方, 而另一方對這種改變的回應通常是: 改變了就不再是我了。
所以說, 維持原狀, 就是保留自我的佳法, 亦是能提昇自我價值的手段, 就算不能提昇, 丫, 最起碼不會下跌啦。
| | |
| 哩一刻剩係想將諗到既野就打出黎...真係救命。
我發現我生活愈節制, 真係愈來愈無渠道發洩, 同我過往生活習慣好唔同, 亦同我個人以往性格好唔同, 我都好想慢慢改, 可惜都係要有d發洩既時候。
我發洩真係最鍾意飲到好high, 然後一齊難叫, 或者抱頭痛哭。
唉, 有時打下哩d廢野都幾好丫, 又唔怕人睇, 又可以一齊鬧下。
自從返工之後, 我基本上intake先會睇報紙, 我都好唔鍾意我自己係咁, 但我真係無咩興趣咁
依家乜q局長我都唔係好知, 如果要轉工, interview問我時事真係仆街啦
講起轉工, 我上星期先同老闆傾左, 下年轉入school去做, 希望神會安排一間合適既學校啦
如果唔係, 都係留係ifsc做先, 到時再決定啦, 世事既野, 好多都話唔埋既
所以都係留係家福會內部調啦, 我太怕麻煩啦, 咁樣好過自己去搵份工, 雖然人工會高d, 不過反正人工都唔係我考慮之一,。
最近有隻CR CASE, 同地政署個Tree mouth 交手, 令我對政府既公務員愈來愈反感, 我好欣賞自己哩個反感, 真係唔係路, 講埋哂d官話, 又以為我係佢下屬, 係咁吹我做野, 真係, 大佬, 你邊位, 剩係你急, 我諗我自己更想幫個client多過你。
政府真係太安穩, 明明d人係叻, 始終都係個文化影響好緊要, 好彩我當初已經言明唔入社署, 如果我邊一日我鬼迷心鬼竅報swd, 你地一定要鬧我呀, 不過我唔會啦, 我太著重面子啦, 咁樣反口既話, 太唔型啦。我都話我做人中指係要型, 雖然個型係我自己定義。
太累太累, 早抖啦, 唔好睇啦, 唔係大家齊齊變tree mouth!!!!!!TM人呀真係做左!!!!!!1哈哈!!!!!!!!!!!!!!!!!!!
| | |
| 我突然有好多野想發表。
我突然唔想再用咁文雅寫出o黎。
我想作下d爛詩, 爛詩...爛詩.............................................................
無貨啦
我想去旅行, 應該話我一定要去旅行。
我想去跑步, 不過我真係無咩精神。
我想練大隻, 但我瘦左好鬼多啦。
對於打扮有無咩興趣, 既然我都唔想認識新朋友, 舊朋友都已經講心照啦, 唔會再照個外表。
我想可以成日都打下機, 唔想打到好累
我好想可以節制下
我好想可以彈好d結他, 唱好d歌, 但我真係無哩個天份, 真係傻仔咁, 又無時間練, 有時諗都唔知為咩。
成日都想出下街, 但又懶得約人。約朋友, 10成9都要出去出面, 其實我真係好q憎約係cwb, 哇, 頂丫, 個架962真係想講仆街, 又慢, 又暈。真係好想鬧下D港島人, 成日約親都係港島, 老鳳咩, 又唔見你地入屯門, 雖然係填海O者, 又唔係去CWB10條人行街, 其實講真有咩分別, 都係要餐飯O者。10次都係10次係出面, 其實車程咪一樣。我返入屯門, 同你係屯門返入港島, 唔通行唔同路? 不過D人就係覺得屯門太遠。其實我一早就覺得係相對, 可惜屯門實在太無bargaining power啦, 我連自己都說服唔到, 唯有被人說服啦。旺角我開心d, 係因為有死亡van搭, 但係mk又好鬼悶。
我好怕車出車入, 返教會我覺得都叻左好多, 因為無咁怕。所以我星期一至星期日都成日搭車, 平時又要我搭車, 我真係想講粗口。
我最鍾意搭車既時候係我沈迷緊睇金庸, 我就真係唔想落車啦。最近我係度睇古龍, 都令我有d火熱架。所以最近, 搭車都ok既。
我好想講gal野, 我鍾意可以同巴士, leeman, 劉ink係屯門食飯, 最好就可以講好多好多廢野, 唔使用腦, 話題又o岩。講開話題, 我愈來愈發現d人講廢野真係好廢, 我開始有d唔想接觸新朋友。因為我假定左佢係無趣。
| | |
| 改變了。
我察覺了自己的改變。就如當初一位朋友跟我說, 在享受寂寞之後的改變, 可能是朋友不願意見到的。我會說, 有些改變是我不願意擁有的, 但我學懂了看待它是我的一部份。看待歸看待, 我前天認為我自己複雜的思想, 總有機會令自己患上抑鬱病。
我沒法子用更好的文字去表達這些轉變, 或者是我未有空間好好了解它們, 人嘛, 在香港總是過着勞碌的生活, 我也不沒有例外。
我的勞碌, 大概是來自於我的貪心。貪心是一種罪; 是形形式式的興趣引起我的貪念。心頭高, 但金卻欠缺那種堅持到底的堅持。我的堅持, 只可能好過一個杯麵少少。
早陣子, 我下定決心要將生活慢慢作出適當的安排, 因為我身體已經不知不覺裝上了虧甲, 可恨虧甲並沒有增加我的防禦力。
依家我好期待31/7可以去長洲大玩特玩, 又可以飲下酒, 講下d廢野。
我太鍾意講廢野啦, 依家d人好似唔識講廢野咁, 令我覺得好難溝通。
哩d時候就令我好懷念係5樓生活既日子, 做乜都得, 講咩都得, 總會有人回應。
但無辦法啦, 既然為生活安排左優先次序, 就等我做個老頭子, 係度懷念下算啦。
| | |
| 九型人格的分析提及, 每一種人格也有一樣屬於它的罪。或許你會認為罪這個說法, 比較有宗教色彩, 那你可以說是缺點, 亦無不可。
屬於二號助人型的罪, 是驕傲。
為數不少的社工, 或者是助人專業的人, 在做這個分析時, 也會不自覺的誤以為自己屬於這種人格。事實上, 性格本身並不完全取決於工作本身。工作本身是一種環境限制。
噢, 我想說的不是性格或者工作, 而是我們必需留意那種被人感激而不自覺的自我澎漲的虛榮感。
(未完)
| | |
|
